Հաղորդելով այդ մասին, Վաշինգտոնի Հայ դատի գրասենյակը հիշեցնում է, որ Հայաստանի եւ Ղարաբաղի համար օգնության տվյալ ծավալները ավելի վաղ արժանացել էին Պալատի հատկացումների հանձնաժողովի հավանությանը:
Ինչպես տեղեկացրել է Կոնգրեսի հայկական հարցերով հանձնախմբի համանախագահ, հանրապետական Մարկ Քըրքը, հինգշաբթի երեկոյան ընդունված օրինագիծը պարունակում է նաեւ նոր պահանջ, որպեսզի վարչակազմը խորհրդակցի Կոնգրեսի հետ` Ադրբեջանին հատկացվող օգնության նկատմամբ «Ազատության աջակցության ակտի» թիվ 907 ուղղման գործողությունը սառեցնելուց առաջ:
Թիվ 907 ուղղմամբ Ադրբեջանին ամերիկյան օժանդակություն տրամադրելու պայման է համարվում այդ երկրի կողմից Հայաստանի շրջափակման վերացումը: Այդուհանդերձ, 2002 թվականին Կոնգրեսը երկրի նախագահին օժտել է այդ դրույթը սառեցնելու լիազորությամբ, ինչից հետո ամեն տարի նախագահը կիրառել է այդ իրավունքը:
Ներկայացուցիչների պալատը հաստատել է նաեւ 3-ական միլիոն դոլարի ռազմական օգնություն Հայաստանի եւ Ադրբեջանի համար եւ եւս 450-ական հազար դոլար` ռազմական ուսուցման եւ վարժանքների համար, ինչպես առաջարկել էր Հատկացումների հանձնաժողովը:
Սպիտակ տունը մայիսին ներկայացրած բյուջեի նախագծով առաջարկել էր 38 տոկոսով կրճատել Հայաստանին տրամադրվող ամերիկյան օգնության ծավալը եւ ընթացիկ տարվա 48 միլիոնի փոխարեն 2010 թվականին հատկացնել 30 միլիոն դոլար:
Վարչակազմը առաջարկել էր Ադրբեջանին հատկացնել 4 միլիոն դոլարի, Հայաստանին` 3 միլիոն դոլարի ռազմական օժանդակություն, իսկ ռազմական ուսուցման եւ վարժանքների համար Հայաստանին տրամադրել Ադրբեջանին հատկացվելիք 900 հազար դոլարի ուղիղ կեսը, մինչդեռ երկու երկրներին հավասարաչափ ռազմական օգնություն ցուցաբերելու վերաբերյալ Սպիտակ տան եւ Կոնգրեսի միջեւ համաձայնություն է ձեռք բերվել դեռ 2001 թվականին:
Բացի այդ, վարչակազմի ներկայացրած բյուջեի նախագծում Լեռնային Ղարաբաղի համար օգնություն չէր առաջարկվում:
Սենատի հատկացումների հանձնաժողովը օրերս հավանություն տվեց Հայաստանին 30 միլիոն դոլարի օգնություն տրամադրելու` վարչակազմի առաջարկին: Սենատի հանձնաժողովի հավանությանը արժանացած նախագծում Ղարաբաղի համար օգնություն նախատեսված չէ:
Այս օրինագիծը դեռ ենթակա է քննարկման Սենատի կողմից, ինչից հետո, Սենատի եւ Ներկայացուցիչների պալատի նախագծերում տարբերության առկայության դեպքում, կստեղծվի համաձայնեցնող հանձնաժողով, որի ընդունած նախագիծը նորից քվեարկության կդրվի Կոնգրեսի երկու պալատներում եւ հավանության արժանանալուց հետո կներկայացվի նախագահի վավերացմանը:
2009 թվականի բյուջեի նախագծով Ջորջ Բուշի վարչակազմը առաջարկել էր Հայաստանին տրամադրել 24 միլիոն դոլարի տնտեսական օգնություն, ինչը 34 միլիոնով պակաս էր 2008 թվականի համար Կոնգրեսի հաստատածից: Կոնգրեսի երկու պալատներում քննարկումների արդյունքում, սակայն, օգնության ծավալը հասցվեց 48 միլիոն դոլարի:
Ինչպես տեղեկացրել է Կոնգրեսի հայկական հարցերով հանձնախմբի համանախագահ, հանրապետական Մարկ Քըրքը, հինգշաբթի երեկոյան ընդունված օրինագիծը պարունակում է նաեւ նոր պահանջ, որպեսզի վարչակազմը խորհրդակցի Կոնգրեսի հետ` Ադրբեջանին հատկացվող օգնության նկատմամբ «Ազատության աջակցության ակտի» թիվ 907 ուղղման գործողությունը սառեցնելուց առաջ:
Թիվ 907 ուղղմամբ Ադրբեջանին ամերիկյան օժանդակություն տրամադրելու պայման է համարվում այդ երկրի կողմից Հայաստանի շրջափակման վերացումը: Այդուհանդերձ, 2002 թվականին Կոնգրեսը երկրի նախագահին օժտել է այդ դրույթը սառեցնելու լիազորությամբ, ինչից հետո ամեն տարի նախագահը կիրառել է այդ իրավունքը:
Ներկայացուցիչների պալատը հաստատել է նաեւ 3-ական միլիոն դոլարի ռազմական օգնություն Հայաստանի եւ Ադրբեջանի համար եւ եւս 450-ական հազար դոլար` ռազմական ուսուցման եւ վարժանքների համար, ինչպես առաջարկել էր Հատկացումների հանձնաժողովը:
Սպիտակ տունը մայիսին ներկայացրած բյուջեի նախագծով առաջարկել էր 38 տոկոսով կրճատել Հայաստանին տրամադրվող ամերիկյան օգնության ծավալը եւ ընթացիկ տարվա 48 միլիոնի փոխարեն 2010 թվականին հատկացնել 30 միլիոն դոլար:
Վարչակազմը առաջարկել էր Ադրբեջանին հատկացնել 4 միլիոն դոլարի, Հայաստանին` 3 միլիոն դոլարի ռազմական օժանդակություն, իսկ ռազմական ուսուցման եւ վարժանքների համար Հայաստանին տրամադրել Ադրբեջանին հատկացվելիք 900 հազար դոլարի ուղիղ կեսը, մինչդեռ երկու երկրներին հավասարաչափ ռազմական օգնություն ցուցաբերելու վերաբերյալ Սպիտակ տան եւ Կոնգրեսի միջեւ համաձայնություն է ձեռք բերվել դեռ 2001 թվականին:
Բացի այդ, վարչակազմի ներկայացրած բյուջեի նախագծում Լեռնային Ղարաբաղի համար օգնություն չէր առաջարկվում:
Սենատի հատկացումների հանձնաժողովը օրերս հավանություն տվեց Հայաստանին 30 միլիոն դոլարի օգնություն տրամադրելու` վարչակազմի առաջարկին: Սենատի հանձնաժողովի հավանությանը արժանացած նախագծում Ղարաբաղի համար օգնություն նախատեսված չէ:
Այս օրինագիծը դեռ ենթակա է քննարկման Սենատի կողմից, ինչից հետո, Սենատի եւ Ներկայացուցիչների պալատի նախագծերում տարբերության առկայության դեպքում, կստեղծվի համաձայնեցնող հանձնաժողով, որի ընդունած նախագիծը նորից քվեարկության կդրվի Կոնգրեսի երկու պալատներում եւ հավանության արժանանալուց հետո կներկայացվի նախագահի վավերացմանը:
2009 թվականի բյուջեի նախագծով Ջորջ Բուշի վարչակազմը առաջարկել էր Հայաստանին տրամադրել 24 միլիոն դոլարի տնտեսական օգնություն, ինչը 34 միլիոնով պակաս էր 2008 թվականի համար Կոնգրեսի հաստատածից: Կոնգրեսի երկու պալատներում քննարկումների արդյունքում, սակայն, օգնության ծավալը հասցվեց 48 միլիոն դոլարի: