ԱՄՆ նախագահ Ջո Բայդենը վերադարձել է Եվրոպայից, որտեղ նախ Հռոմում մասնակցել է «Մեծ քսանի» գագաթնաժողովին, ապա Գլազգոյում ՄԱԿ-ի հովանավորությամբ անցկացված կլիմայի հարցով միջազգային կոնֆերանսին:
Հռոմում Բայդենը հանդիպել է Ֆրանցիսկոս պապի և «Մեծ քսանի» լիդերների հետ: Գլազգոյում կոնֆերանսի մասնակիցները խոստացել են միջոցներ ձեռնարկել ածխաթթու գազի արտանետումները սահմանափակելու և անտառների ոչնչացումը դադարեցնելու համար: Դա թույլ կտա զսպել մոլորակի միջին ջերմաստիճանի բարձրացումը:
Այդուհանդերձ, ԱՄՆ-ի համար դժվար կլինի կատարել 2005 թվականի դրությամբ արձանագրված մետանի արտանետումների ծավալը մինչև 2030 թվականը կիսով չափ կրճատելու խոստումը, քանի որ դեմոկրատական կուսակցությունը ձախողվել է կլիմային վերաբերող օրինագծերը Կոնգրեսում անցկացնելու հարցում:
