«Ինտերֆաքս» լրատվական գործակալության փոխանցմամբ, Ադրբեջանի նախագահ Իլհամ Ալիևն այսօր զանգահարել է ուկրաինացի պաշտոնակից Վլադիմիր Զելենսկուն և շնորհավորել նրան ծննդյան օրվա կապակցությամբ:
«Զրույցի ընթացքում Զելենսկին գոհունակությամբ է խոսել հունվարի 14-ին Իլհամ Ալիևի Ուկրաինա կատարած այցի մասին: Ալիևն, իր հերթին, շնորհակալություն է հայտնել Զելենսկուն այցի ընթացքում ցուցաբերած հյուրընկալության համար»,- ասվում է Ադրբեջանի նախագահի մամլո ծառայության հրապարակած հաղորդագրությունում:
Զելենսկին և Ալիևը զրույցի ընթացքում քննարկել են ուկրաինա-ադրբեջանական համագործակցությանն առնչվող հարցեր:
