Եվրամիությունը պետք է բոլոր ջանքերը գործադրի, որպեսզի Ուկրաինան ունենա բավականաչափ զինամթերք ռուսական ներխուժմանը դիմակայելու համար, ասել է ԵՄ արտաքին քաղաքականության և անվտանգության հարցերով բարձր ներկայացուցիչը։
«Սա ամենահրատապ խնդիրն է։ Եթե մենք դրանով չզբաղվենք, պատերազմի արդյունքը վտանգված կլինի»,- ասել է Ժոզեպ Բորելը՝ Բրյուսելում ԵՄ ԱԳ նախարարների հետ հանդիպումից առաջ:
«Ռուսական հրետանին օրական արձակում է մոտ 50 հազար կրակոց, և Ուկրաինան պետք է ունենա նույն մակարդակի կարողություններ»,- հավելել է նա:
ԵՄ խորհուրդը հավանություն է տվել Ռուսաստանի դեմ պատժամիջոցների երկարաձգմանը մինչև 2024 թվականի փետրվարի 24-ը, հաղորդում է Եվրամիության պաշտոնական պարբերականը։
Ընդգծվում է, որ «Եվրամիությունը հաստատակամ է Ուկրաինային աջակցելու հարցում»։
ԵՄ խորհուրդը նախօրեին արտգործնախարարների մակարդակով քննարկել էր Ռուսաստանի Դաշնության դեմ պատժամիջոցների 10-րդ փաթեթը, հայտնել է Եվրամիության արտաքին գործերի գերագույն ներկայացուցիչ Ժոզեպ Բորելը։
«Ռուսաստանը նախապես տեղեկացված է եղել նախագահ Բայդենի՝ Ուկրաինա կատարելիք այցի մասին», - այսօր հայտարարել է Սպիտակ տան Ազգային անվտանգության հարցերով խորհրդական Ջեյք Սալիվանը։
«Միացյալ Նահանգները, կոնֆլիկտային իրավիճակներից խուսափելու նպատակով, Ռուսաստանին տեղեկացրել է Բայդենի՝ Կիև այցելելու մտադրության մասին»,- հայտարարել է Սալիվանը։
Ամերիկյան մի շարք լրատվամիջոցների փոխանցմամբ` պաշտոնական Մոսկվան ԱՄՆ նախագահի այցի մասին տեղեկացվել է դրա մեկնարկից հաշված ժամեր առաջ։
«Միացյալ Նահանգները առաջիկայում Ուկրաինային ևս 500 միլիոն դոլարի ռազմական օգնություն կտրամադրի, որն իր մեջ կներառի հրետանային միջոցներ, ՀՕՊ ռադարներ և Himars համակարգեր», - այսօր Կիևի կատարած անակնկալ այցի ընթացքում հայտարարել է Միացյալ Նահանգների նախագահ Ջոզեֆ Բյադենը։
Ուկրաինայի նախագահ Վլադիմիր Զելենսկու հետ համատեղ ասուլիսի ժամանակ Բայդենը կրկին վերահաստատել է Ուկրաինային աջակցելու՝ Վաշինգտոնի պատրաստակամությունը։
«Միացյալ Նահանգները Ատլանտյանից մինչև Խաղաղ օվկիանոսներ գտնվող պետությունների կոալիցիա է ձևավորել, որպեսզի պաշտպանի Ուկրաինան ռազմական, տնտեսական և մարդասիրական օգնության միջոցով։ Եվ այդ աջակցության ցուցաբերումը շարունակվելու է», - հայտարարել է Բայդենը։
«Միացյալ Նահանգները առաջիկայում Ուկրաինային ևս 500 միլիոն դոլարի ռազմական օգնություն կտրամադրի, որն իր մեջ կներառի հրետանային միջոցներ, ՀՕՊ ռադարներ և Himars համակարգեր», - այսօր Կիևի կատարած անակնկալ այցի ընթացքում հայտարարել է Միացյալ Նահանգների նախագահ Ջոզեֆ Բյադենը։
Ուկրաինայի նախագահ Վլադիմիր Զելենսկու հետ համատեղ ասուլիսի ժամանակ Բայդենը կրկին վերահաստատել է Ուկրաինային աջակցելու՝ Վաշինգտոնի պատրաստակամությունը։
«Միացյալ Նահանգները Ատլանտյանից մինչև Խաղաղ օվկիանոսներ գտնվող պետությունների կոալիցիա է ձևավորել, որպեսզի պաշտպանի Ուկրաինան ռազմական, տնտեսական և մարդասիրական օգնության միջոցով։ Եվ այդ աջակցության ցուցաբերումը շարունակվելու է», - հայտարարել է Բայդենը։
Միացյալ Նահանգների նախագահ Ջոզեֆ Բայդենն այսօր անակնկալ այցով ժամանել է Կիև։ Այս մասին հաղորդում է Reuters գործակալությունը։
BBC-ի տեղեկություններով՝ առաջիկա ժամերին կայանալու են ԱՄՆ և Ուկրաինայի նախագահների բանակցությունները։
«Մինչ մոտենում ենք Ուկրաինա Ռուսաստանի ներխուժման տարելիցին, այսօր Կիևում եմ՝ հանդիպելու նախագահ Վլադիմիր Զելենսկուն և վերահաստատելու մեր անսասան նվիրվածությունը Ուկրաինայի ժողովրդավարությանը, ինքինիշխանությանը և տարածքային ամբողջականությանը», - Թվիթերում գրել է ԱՄՆ նախագահը:
Բայդենի այցի մասին նախապես չէր հայտարարվել։
«Թուրքիան քայլեր է ձեռնարկում Ռուսաստանի դեմ սահմանված պատժամիջոցների շրջանցումը թույլ չտալու համար», - այսօր Անկարայում Միացյալ Նահանգների պետքարտուղար Էնթոնի Բլինքենի հետ համատեղ ասուլիսի ժամանակ հայտարարել է Թուրքիայի արտգործնախարար Մևլյութ Չավուշօղլուն:
«Մենք խնդրել ենք ամերիկյան կողմին, որպեսզի տեղեկացնի մեզ՝ արդյոք նման դեպքեր կա՞ն։ Իմ կողմից, սակայն, կարող եմ վստահեցնել, որ Թուրքիան որևէ ապրանքատեսակ, որ կարող է օգտագործվել պաշտպանական արդյունաբերությունում, Ռուսաստան չի արտահանում», - ասել է Չավուշօղլուն։
Իտալիայի վարչապետ Ջորջա Մելոնին այսօր կայցելի Ուկրաինա, հաղորդում է Reuters-ը՝ հղում անելով անանուն աղբյուրին։
Իտալական լրատվամիջոցները, մինչդեռ, հայտնում են, որ այցը կկայանա վաղը։ Ըստ Corriere della Sera-ի՝ Մելոնին երկուշաբթի օրը մեկնելու է Վարշավա, իսկ այնտեղից՝ Կիև։
Reuters-ի փոխանցմամբ՝ Մելոնին ավելի վաղ հայտնել էր, որ պատրաստվում է այցելել Ուկրաինայի մայրաքաղաք ռուսական ներխուժման նախօրեին։
Հունվարի վերջին Իտալիայի արտգործնախարար Անտոնիո Տայանին Corriere della Sera-ին տված հարցազրույցում ասել էր, որ Իտալիան Ֆրանսիայի հետ միասին ավարտում է Ուկրաինա SAMP-T զենիթահրթիռային համակարգեր ուղարկելու նախապատրաստական աշխատանքները։
Ֆրանսիայի նախագահ Էմանյուել Մակրոնը երեկ երեկոյան հեռախոսազրույց է ունեցել Ուկրաինայի նախագահ Վլադիմիր Զելենսկու հետ։
Ըստ Ելիսեյան պալատի՝ Մակրոնն աջակցություն է հայտնել Ուկրաինային ռազմական օգնության ավելացմանը և Զելենսկու առաջարկած՝ 10 կետից բաղկացած խաղաղության բանաձևին։
Միացյալ Նահանգների վարչակազմը մտադիր է Ռուսաստանի դեմ նոր պատժամիջոցներ սահմանել՝ պաշտպանության, էներգետիկայի և ֆինանսների ոլորտներում, ինչպես նաև արտահանման վերահսկման լրացուցիչ մեխանիզմներ սահմանել, հայտնում է Bloomberg-ը՝ վկայակոչելով աղբյուրները:
«Նախագահ Ջո Բայդենի վարչակազմը ծրագրում է գործի դնել արտահանման նոր հսկողություն և Ռուսաստանի դեմ պատժամիջոցների ևս մեկ փաթեթ՝ ուղղված նրա առանցքային ոլորտներին», - նշում է գործակալությունը։
«Միջոցներն ուղղված կլինեն Ռուսաստանի պաշտպանության և էներգետիկայի ոլորտներին, ֆինանսական հաստատություններին և մի քանի անհատների», - ասել են Bloomberg-ի աղբյուրները` անանուն մնալու պայմանով: