«Հայփոստի» շենքի տեղում Համաշխարհային առևտրի կենտրոն է կառուցվելու։ Որոշումը կառավարությունը կայացրել է դեռ 2 տարի առաջ՝ փաստաթղթի վերջում մի կետ ավելացնելով, որ գույքին հարակից`մինչև 12 հազար քմ մակերեսով հողամասը ճանաչվել է պետության կարիքների համար բացառիկ գերակա հանրային շահ։
Բայց ոչ միայն հարակից տարածքում ապրող մարդիկ, այլ նաև մասնագետները տեղյակ չեն՝ ինչ է կառուցվելու մայրաքաղաքի հենց սրտում։ Ճարտարապետ Սևադա Պետրոսյանը, որ տևական ժամանակ ուսումնասիրել է Փոստի ու հարակից Կոնդի տարածքը, բարձրաձայնում է՝ որևէ հստակ հաշվարկ արված չկա՝ ի վերջո ի՞նչ ազդեցություն է ունենալու այդ նախագիծը մայրաքաղաքի վրա։
Մանրամասները «Ազատության» ռեպորտաժում.