Բալի զբոսաշրջային կղզու մոտ լաստանավի խորտակման հետևանքով առնվազն չորս մարդ զոհվել է, տասնյակները՝ անհետ կորել, հայտնում է BBC-ն։
Ազգային որոնողական-փրկարարական գործակալության գրասենյակը տեղեկացրել է՝ նավը, որը տեղափոխում էր 53 ուղևոր և 12 անձնակազմի անդամ, չորեքշաբթի օրը՝ տեղական ժամանակով ժամը 23:20-ին , խորտակվել է Ջավա կղզու արևելյան ափին գտնվող Բանյուվանգիից Բալի ուղևորվելու ճանապարհին։
Իշխանությունները հետաքննում են խորտակման պատճառը։
