Ադրբեջանի և Գերմանիայի արտգործնախարարները քննարկել են հայ-ադրբեջանական կարգավորման գործընթացը

Ադրբեջանի արտաքին գործերի նախարար Ջեյհուն Բայրամովը Նյու Յորքում՝ ՄԱԿ-ի Գլխավոր ասամբլեայի 80-րդ նստաշրջանի շրջանակում, հանդիպել է Գերմանիայի արտաքին գործերի նախարար Յոհան Վադեֆուլին։

Ադրբեջանի ԱԳՆ-ի հաղորդմամբ՝ կողմերը քննարկել են Ադրբեջանի և Գերմանիայի հարաբերությունների ներկայիս վիճակն ու զարգացման հեռանկարները, ինչպես նաև Ադրբեջանի և Հայաստանի միջև հարաբերությունների կարգավորման գործընթացը, այդ թվում՝ Վաշինգտոնում կայացած հանդիպումը։