Գերմանիայի Սահմանադրության պաշտպանության դաշնային գրասենյակը «Այլընտրանք Գերմանիայի համար» (AfD) կուսակցությունը դաշնային մակարդակով դասակարգել է որպես աջ ծայրահեղական։
Գերատեսչությունը պարզաբանել է, որ այդ որոշումը հիմնավորել է «կուսակցության ընդհանուր ծայրահեղական բնույթով, որը ոտնահարում է մարդկային արժանապատվությունը»։
Նշվում է նաև, որ կառույցը համապատասխան գնահատականը տվել է «ինտենսիվ և համապարփակ փորձագիտական ուսումնասիրությունից հետո»։
AfD-ն 2013 թվականին հիմնադրվել է որպես եվրոսկեպտիկների կուսակցություն, որի ժողովրդականությունը հատկապես վերջին տարիներին սկսել է աճել։
Քաղաքական այդ ուժն արդեն ներկայացված է Բունդեսթագում և բազմաթիվ նահանգային խորհրդարաններում։
