Հումանիտար հրադադարի շուրջ Կատարում անցկացված «Համաս»-ի (ԱՄՆ-ի և ԵՄ-ի կողմից ահաբեկչական ճանաչված կազմակերպություն) և Իսրայելի անուղղակի առաջին բանակցությունն ավարտվել է առանց հստակ արդյունքի, Reuters-ին տեղեկացրել են երկու պաղեստինյան աղբյուրներ:
Նրանք նշել են, որ Իսրայելի պատվիրակությունը բավարար լիազորություններ չի ունեցել համաձայնություն ձեռք բերելու համար։
Իսրայելի վարչապետ Բենյամին Նեթանյահուն ավելի վաղ ասել է, որ Իսրայելի բանակցողները հստակ հանձնարարականներ են ստացել՝ հասնելու հրադադարի համաձայնագրի այն պայմաններով, որոնք Իսրայելը ընդունել է։
Շաբաթ երեկոյան Թել Ավիվում՝ պաշտպանական գերատեսչության շենքի մոտ, հավաքվել էին մարդիկ, որոնք պահանջում էին հրադադարի կնքում և մոտ 50 գերեվարվածներին, որոնք դեռ պահվում են Գազայում, ազատ արձակել։
