Ծովի մակերևույթից 2000 մետր բարձրության վրա՝ ցուրտ ու քամոտ Նահապետավանում, լեզվաբան Տարոն Հովհաննիսյանը ռիսկի է դիմել ու ինտենսիվ այգի հիմնել, որը ժամանակակից հարկակարկտանին ցանց ունի, ոռոգման կաթիլային համակարգ:
Երևանից իր ծննդավայր Նահապետավան վերադարձած լեզվաբանը մոտ 3500 քառակուսի մետր տարածքում տնկել է շուրջ 1300 տանձենի ու խնձորենի: Իտալիայից տանձենու հատուկ տեսակներ է ներմուծել. մեկ ձմեռացում անցել են ու մի փոքր վնասվել, բայց հարմարվել են Նահապետավանի կլիմային:
Եվրամիության և Ավստրիական զարգացման համագործակցության աջակցությամբ LEAD4Shirak ծրագրի շրջանակում «Արագած հովիտ» տեղական ակտիվ խմբի ֆինանսավորմամբ է հիմնվել այս այգին: Ծրագիրը նախատեսված է գյուղերում աշխատատեղեր ստեղծելու, նորարարական գաղափարներ առաջ տանելու համար: Անհրաժեշտ 35 հազար դոլարից 16 հազարը Եվրամիությունն է տրամադրել, մնացածը՝ Տարոնն իր միջոցներն է ներդրել:
LEAD4Shirak ծրագրի «Արագած հովիտ» տեղական ակտիվ խմբի տնօրեն Նելլի Վարդանյանն ասում է՝ ինտենսիվ այգիներ հիմնելու համար իրենց դիմողները շատացել են:
Մանրամասները ՝ «Ազատության» ռադիոռեպորտաժում.
