Իրանի խորհրդարանը՝ պատգամավորների բացարձակ մեծամասնությամբ, կողմ քվեարկեց ՄԱԿ-ի միջուկային վերահսկողության կառույցի հետ համագործակցությունը կասեցնելու առաջարկին, այս մասին հայտնում է իրանական պետական հեռուստաընկերությունը։
«Ատոմային էներգիայի միջազգային գործակալությունը, որը հրաժարվեց նույնիսկ աննշան կերպով դատապարտել Իրանի միջուկային օբյեկտների վրա հարձակումը, աճուրդի դրեց իր միջազգային հեղինակությունը», - ասել է Իրանի խորհրդարանի խոսնակ Մոհամմադ Բաղեր Ղալիբաֆը։
Փաստաթուղթը մասնավորապես առաջարկում է արգելել ԱԷՄԳ-ի տեսուչների մուտքը Իրան այնքան ժամանակ, «քանի դեռ երաշխավորված չէ միջուկային օբյեկտների անվտանգությունը»։
