Չնայած Հայ ազգային կոնգրեսի` ուրբաթ օրը տարածած հայտարարությանը, որով փաստաբաններ Մուշեղ Շուշանյանին, Արա Զաքարյանին, Արթուր Գրիգորյանին եւ Դիանա Գրիգորյանին կոչ է արվում օգտվել համաներման ընձեռած հնարավորությունից եւ համաձայնել իրենց նկատմամբ հարուցված քրեական գործերի կարճմանը, Դիանա Գրիգորյանը «Ազատություն» ռադիոկայանին հայտնեց, որ շարունակելու են ներպետական բոլոր ատյանները սպառելու, ապա եւ` միջազգային դատարան դիմելու միջոցով պաշտպանել փաստաբանի եւ քաղաքացու իրենց իրավունքները:
Դատարանի նկատմամբ անհարգալից վերաբերմունք դրսեւորելու համար դեռեւս անցած տարվանից քրեական մեղադրանքներ են առաջադրվել հիշյալ չորս փաստաբանների նկատմամբ:
Հայաստանի ընդդիմադիրները քանիցս հայտարարել են, որ կատարվողը ոչ այլ ինչ է, քան քաղաքական հալածանք:
«Ազատություն» ռադիոկայանը զրուցել է Դիանա Գրիգորյանի, ինչպես նաեւ իրավապաշտպան Վարդան Հարությունյանի հետ:
Հայաստանի ընդդիմադիրները քանիցս հայտարարել են, որ կատարվողը ոչ այլ ինչ է, քան քաղաքական հալածանք:
«Ազատություն» ռադիոկայանը զրուցել է Դիանա Գրիգորյանի, ինչպես նաեւ իրավապաշտպան Վարդան Հարությունյանի հետ: