Այս տարվա հենց սկզբից Երեւանի քաղաքապետի հրահանգով փողոցներում առեւտուր անելու հնարավորությունից զրկված տասնյակ առեւտրականներ երկուշաբթի օրը բողոքի ակցիա անցկացրեցին Հանրային հեռուստառադիոընկերության շենքի մոտ` դժգոհություն հայտնելով փողոցային առեւտրի վերաբերյալ «Տեսանկյուն» հաղորդաշարի անդրադարձից, որը եթեր է հեռարձակվել օրերս:
Առեւտրականներին հատկապես զայրացրել էր հաղորդման մեկնաբան Գեւորգ Ալթունյանի այն բնորոշումը, թե փորձ է արվում այս մարդկանց բողոքներն օգտագործել նեղ քաղաքական նպատակներով, եւ ինչ-ինչ ուժեր փորձում են այդ բողոքը վերածել պայքարի:
Հանրային հեռուստաընկերությամբ հեռարձակված հաղորդման մեջ տեղ էր գտել նաեւ մի հատված «Գիքորը» ֆիլմից: Դժգոհ առեւտրականներն ասում էին, թե վիրավորված են Հայաստանի քաղաքացիների վճարած հարկերի շնորհիվ աշխատող հանրային հեռուստաընկերության նման վերաբերմունքից ու հակադարձում, որ իրականում Հովհաննես Թումանյանի հայտնի հերոսի` Գիքորի կարգավիճակում են ոչ թե իրենք, այլ ցածր աշխատավարձով ու նվաստացուցիչ պայմաններով սուպերմարկետներում աշխատող երիտասարդները, իսկ «Բազազի» դերը ստանձնել են իշխանությունից եւ մականունավոր օլիգարխներից կազմված «մաֆիան»:
Փողոցային առեւտրի արգելքի հետեւանքով աշխատատեղից եւ գոյատեւման միջոցներից զրկված քաղաքացիները ուշադրություն էին հրավիրում նաեւ քաղաքապետարանի պաշտոնական մեկնաբանություններին, թե փողոցային առեւտուրը պետք է վերացնել քաղաքի բարեկարգման նպատակով: Ակցիայի մասնակիցների համոզմամբ, այս պաշտոնական պնդումներն իրականության հետ որեւէ կապ չունեն եւ հետապնդում են կոնկրետ շահեր:
«Բարեկարգման դիմակի տակ դա անում են, որ ավելացվեն ՍԱՍ-ի, Սիթիների, Սթարների նման խանութների միլիոնները, միլիարդներ դարձնեն», - ասում էին առեւտրականները, - «Քաղաքապետարանի առաջարկությունները միայն հարմար են սուպերմարկետների տերերին»:
Ակցիայի մասնակիցները պնդում էին, որ քաղաքապետարանն իրենց որեւէ այլընտրանք չի առաջարկում: Նրանք պարզել էին պաստառներ, որոնց վրա գրված էր. «Չենք հանդուրժելու», «Հայը հալածվում է իր հայրենիքում», «Մենք ամեն գնով վերանվաճելու ենք մեր իրավունքները», «Չենք ներելու մեր երեխաներին հացից զրկողներին»:
Երեւանի քաղաքապետարանից «Ազատություն» ռադիոկայանին հայտնեցին, որ քաղաքապետարանն առաջարկում է 3000 աշխատատեղ շուկաներում, ընդ որում`միջնորդում է, որ շուկաների տնօրենները սկզբնական շրջանում անվճար վաճառատեղեր տրամադրեն:
«Բացի այդ` անհրաժեշտության դեպքում կլինեն նաեւ այլ հնարավորություններ», - փոխանցեցին Երեւանի քաղաքապետարանից` առանց հստակեցնելու կոնկրետ ժամկետներ:
Առեւտրականները, սակայն, պնդեցին, որ քաղաքային իշխանությունների առաջարկները հարմար են պաշտոնյաներին ու օլիգարխներին, ոչ թե մանրածախ առեւտրով գոյատեւողներին` վստահություն հայտնելով, որ շուկաներում տեղ զբաղեցնելու դիմաց կարճ ժամանակ անց կպահանջվի բարձր գին: Նրանք հայտարարեցին, որ շարունակելու են բողոքի ակցիաները, եւ վաղը բողոքի ցույց կկազմակերպեն կառավարության շենքի դիմաց:
Առեւտրականներին հատկապես զայրացրել էր հաղորդման մեկնաբան Գեւորգ Ալթունյանի այն բնորոշումը, թե փորձ է արվում այս մարդկանց բողոքներն օգտագործել նեղ քաղաքական նպատակներով, եւ ինչ-ինչ ուժեր փորձում են այդ բողոքը վերածել պայքարի:
Հանրային հեռուստաընկերությամբ հեռարձակված հաղորդման մեջ տեղ էր գտել նաեւ մի հատված «Գիքորը» ֆիլմից: Դժգոհ առեւտրականներն ասում էին, թե վիրավորված են Հայաստանի քաղաքացիների վճարած հարկերի շնորհիվ աշխատող հանրային հեռուստաընկերության նման վերաբերմունքից ու հակադարձում, որ իրականում Հովհաննես Թումանյանի հայտնի հերոսի` Գիքորի կարգավիճակում են ոչ թե իրենք, այլ ցածր աշխատավարձով ու նվաստացուցիչ պայմաններով սուպերմարկետներում աշխատող երիտասարդները, իսկ «Բազազի» դերը ստանձնել են իշխանությունից եւ մականունավոր օլիգարխներից կազմված «մաֆիան»:
Փողոցային առեւտրի արգելքի հետեւանքով աշխատատեղից եւ գոյատեւման միջոցներից զրկված քաղաքացիները ուշադրություն էին հրավիրում նաեւ քաղաքապետարանի պաշտոնական մեկնաբանություններին, թե փողոցային առեւտուրը պետք է վերացնել քաղաքի բարեկարգման նպատակով: Ակցիայի մասնակիցների համոզմամբ, այս պաշտոնական պնդումներն իրականության հետ որեւէ կապ չունեն եւ հետապնդում են կոնկրետ շահեր:
«Բարեկարգման դիմակի տակ դա անում են, որ ավելացվեն ՍԱՍ-ի, Սիթիների, Սթարների նման խանութների միլիոնները, միլիարդներ դարձնեն», - ասում էին առեւտրականները, - «Քաղաքապետարանի առաջարկությունները միայն հարմար են սուպերմարկետների տերերին»:
Ակցիայի մասնակիցները պնդում էին, որ քաղաքապետարանն իրենց որեւէ այլընտրանք չի առաջարկում: Նրանք պարզել էին պաստառներ, որոնց վրա գրված էր. «Չենք հանդուրժելու», «Հայը հալածվում է իր հայրենիքում», «Մենք ամեն գնով վերանվաճելու ենք մեր իրավունքները», «Չենք ներելու մեր երեխաներին հացից զրկողներին»:
Երեւանի քաղաքապետարանից «Ազատություն» ռադիոկայանին հայտնեցին, որ քաղաքապետարանն առաջարկում է 3000 աշխատատեղ շուկաներում, ընդ որում`միջնորդում է, որ շուկաների տնօրենները սկզբնական շրջանում անվճար վաճառատեղեր տրամադրեն:
«Բացի այդ` անհրաժեշտության դեպքում կլինեն նաեւ այլ հնարավորություններ», - փոխանցեցին Երեւանի քաղաքապետարանից` առանց հստակեցնելու կոնկրետ ժամկետներ:
Առեւտրականները, սակայն, պնդեցին, որ քաղաքային իշխանությունների առաջարկները հարմար են պաշտոնյաներին ու օլիգարխներին, ոչ թե մանրածախ առեւտրով գոյատեւողներին` վստահություն հայտնելով, որ շուկաներում տեղ զբաղեցնելու դիմաց կարճ ժամանակ անց կպահանջվի բարձր գին: Նրանք հայտարարեցին, որ շարունակելու են բողոքի ակցիաները, եւ վաղը բողոքի ցույց կկազմակերպեն կառավարության շենքի դիմաց: