Հայաստանում տուբերկուլյոզով հիվանդացության ամենաբարձր ցուցանիշը Սյունիքի մարզում է արձանագրվել: Հիվանդների թվով երկրորդ տեղում Շիրակի մարզն է:
Տուբերկուլյոզը համարվում է սոցիալական հիվանդություն, որի ցուցանիշի հիման վրա, ըստ էության, կարելի է ասել, թե որ մարզում են մարդիկ ավելի վատ պայմաններում ապրում:
Շիրակի մարզի գլխավոր ֆտիզիատոր Ստեփան Մելքոնյանը ճանաչում է մարզի տուբերկուլյոզով բոլոր հիվանդներին: Նա «Ազատություն» ռադիոկայանի հետ զրույցում հաստատեց, որ հիվանդների մեծ մասը իսկապես սոցիալապես անապահով ընտանիքներից են: Հիվանդներից 10-ը հրաժարվում են բուժումից, որի պատճառը, Մելքոնյանի խոսքով, եւս սոցիակալան վիճակն է:
