«Ժառանգություն» կուսակցության փոխնախագահ, Երեւանի ավագանու ընտրություններում «Բարեւ, Երեւան» դաշինքի համամասնական ցուցակը գլխավորող Արմեն Մարտիրոսյանը երկուշաբթի հրավիրվել էր Հատուկ քննչական ծառայություն (ՀՔԾ), որպեսզի ցուցմունք տա ապրիլի 9-ին տեղի ունեցած միջադեպի առիթով:
Հիշեցնենք, որ այդ օրը ընդդիմության երթի ժամանակ Մարտիրոսյանը Բաղրամյան պողոտայի սկզբնամասում ընդհարում էր ունեցել ոստիկանների հետ, ովքեր հարվածներ էին հասցրել նրան եւ արյունլվա դեմքով բերման ենթարկել ոստիկանության բաժանմունք:
Առավոտից ՀՔԾ-ի շենքի դիմաց հավաքվել էին մի խումբ քաղաքացիներ, ովքեր եկել էին Մարտիրոսյանին աջակցելու: Այստեղ էր նաեւ «Ժառանգություն» կուսակցության ղեկավար կազմը` Րաֆֆի Հովհաննիսյանի գլխավորությամբ:
Մինչ քննչական ծառայություն ներկայանալը, Արմեն Մարտիրոսյանը ասաց, որ հարուցված քրեական գործի շրջանակներում ինքը որպես վկա է ներգրավված: Ասաց` պատրաստ է համագործակցել եւ ցուցմունք տալ, քանի որ համաձայն է քննչական ծառայության գործողությունների հետ:
Մարտիրոսյանը քննչական ծառայության շենք մտավ իրավաբանի ուղեկցությամբ: Մինչ նա ներսում էր, դրսում ակտիվիստները կոչ էին անում պատժել մեղավորներին: Ի դեպ, ակցիայի մասնակիցները կարմիր վզկապներով էին: «Ժառանգություն» կուսակցության քարտուղար Ստյոպա Սաֆարյանը ասաց, որ այս ձեւով պատվում են սովետական ոստիկանությանը:
Մարտիրոսյանի հարցաքննությունը մոտ 3 ժամ տեւեց: «Ազատություն» ռադիոկայանի հետ զրույցում նա ասաց, որ ապրիլի 9-ին իր հետ տեղի ունեցած դեպքերի առնչությամբ երկու քրեական գործ է հարուցվել. մեկն առավոտյան եւ մեկն էլ` երեկոյան տեղի ունեցած միջադեպերի առնչությամբ: Նա ասաց, որ պատմել է, թե ինչպես է ոստիկանությունը դիմել ոչ համարժեք գործողությունների եւ փաստացի բռնություն է գործադրել դիմադրություն ցույց չտվող քաղաքացիների հանդեպ:
«Մանրամասնորեն նկարագրել եմ, թե ինչ է տեղի ունեցել այդ օրը: Առանձնապես ակնկալիքներ չունեմ, բացի այն, որ արդար հետաքննություն սպասել: Իսկ ինչպիսին կլինի դա, արդեն իշխանություններից է կախված, որովհետեւ ցավոք, մեզ մոտ իրավապահ համակարգը տարիներ շարունակ ոչ լեգիտիմ իշխանության համար մահակ է դարձել: Իմ պահանջն է` իրենց լիազորությունները գերազանցած, բացառապես սադիստական հակումներով ոստիկաններից ազատվելը եւ նրանց պատժելը», - ասաց նա:
Հիշեցնենք, որ այդ օրը ընդդիմության երթի ժամանակ Մարտիրոսյանը Բաղրամյան պողոտայի սկզբնամասում ընդհարում էր ունեցել ոստիկանների հետ, ովքեր հարվածներ էին հասցրել նրան եւ արյունլվա դեմքով բերման ենթարկել ոստիկանության բաժանմունք:
Առավոտից ՀՔԾ-ի շենքի դիմաց հավաքվել էին մի խումբ քաղաքացիներ, ովքեր եկել էին Մարտիրոսյանին աջակցելու: Այստեղ էր նաեւ «Ժառանգություն» կուսակցության ղեկավար կազմը` Րաֆֆի Հովհաննիսյանի գլխավորությամբ:
Մինչ քննչական ծառայություն ներկայանալը, Արմեն Մարտիրոսյանը ասաց, որ հարուցված քրեական գործի շրջանակներում ինքը որպես վկա է ներգրավված: Ասաց` պատրաստ է համագործակցել եւ ցուցմունք տալ, քանի որ համաձայն է քննչական ծառայության գործողությունների հետ:
Մարտիրոսյանը քննչական ծառայության շենք մտավ իրավաբանի ուղեկցությամբ: Մինչ նա ներսում էր, դրսում ակտիվիստները կոչ էին անում պատժել մեղավորներին: Ի դեպ, ակցիայի մասնակիցները կարմիր վզկապներով էին: «Ժառանգություն» կուսակցության քարտուղար Ստյոպա Սաֆարյանը ասաց, որ այս ձեւով պատվում են սովետական ոստիկանությանը:
Մարտիրոսյանի հարցաքննությունը մոտ 3 ժամ տեւեց: «Ազատություն» ռադիոկայանի հետ զրույցում նա ասաց, որ ապրիլի 9-ին իր հետ տեղի ունեցած դեպքերի առնչությամբ երկու քրեական գործ է հարուցվել. մեկն առավոտյան եւ մեկն էլ` երեկոյան տեղի ունեցած միջադեպերի առնչությամբ: Նա ասաց, որ պատմել է, թե ինչպես է ոստիկանությունը դիմել ոչ համարժեք գործողությունների եւ փաստացի բռնություն է գործադրել դիմադրություն ցույց չտվող քաղաքացիների հանդեպ:
«Մանրամասնորեն նկարագրել եմ, թե ինչ է տեղի ունեցել այդ օրը: Առանձնապես ակնկալիքներ չունեմ, բացի այն, որ արդար հետաքննություն սպասել: Իսկ ինչպիսին կլինի դա, արդեն իշխանություններից է կախված, որովհետեւ ցավոք, մեզ մոտ իրավապահ համակարգը տարիներ շարունակ ոչ լեգիտիմ իշխանության համար մահակ է դարձել: Իմ պահանջն է` իրենց լիազորությունները գերազանցած, բացառապես սադիստական հակումներով ոստիկաններից ազատվելը եւ նրանց պատժելը», - ասաց նա: