Հունիսի 18-ի ժամը 09:30-ից հունիսի 19-ի ժամը 01։08-ն ընկած ժամանակահատվածում Ադրբեջանի ԶՈւ-ն Մարտունու և Մարտակերտի ուղղությամբ խախտել է հրադադարը՝ կիրառելով հրաձգային զենք, հաղորդում է Պաշտպանության բանակը՝ նշելով՝ հայկական կողմը կորուստներ չունի։
Հրադադարի խախտման մասին հաղորդվել է ՌԴ խաղաղապահ զորակազմի հրամանատարությանը։
Այսօր ժամը 09։15-ի դրությամբ, ըստ Ստեփանակերտի, իրադրությունը շփման գծում հարաբերականորեն կայուն է։
Ստեփանակերտի հաղորդմանը Բաքուն դեռ չի արձագանքել։
Այսօր նաև Երևանն է հայտնել, որ ադրբեջանական կողմը տարբեր տրամաչափի հրաձգային զենքերից կրակել է Սոթքի և Երասխի հայկական դիրքերի ուղղությամբ։ Բաքուն հերքել է հաղորդումը։
ԿԱՐԴԱՑԵՔ ՆԱԵՎ Երևանը ադրբեջանական կողմին մեղադրում է Սոթքի և Երասխի դիրքերի ուղղությամբ կրակելու համար, Բաքուն հերքում է