Իրանի նավահանգստում այսօր տեղի ունեցած պայթյունի հետևանքով վիրավորների թիվն անցնում է 500-ից, հաղորդում է պետական IRNA լրատվական գործակալությունը։ Պետական հեռուստատեսության հաղորդմամբ, պայթյունը տեղի է ունեցել Շահիդ Ռաջայի նավահանգստի տարածքում պահվող կոնտեյներների պայթյունի պատճառով։ Պետական կառույցները միաժամանակ պնդում են, որ տարածքում տեղակայված էներգետիկ ենթակառուցվածքները չեն տուժել։
Ռաջայի նավահանգիստը գտնվում է Իրանի մայրաքաղաք Թեհրանից մոտ 1050 կիլոմետր հարավ-արևելք՝ Հորմուզի նեղուցի վրա, որով անցնում է նավթի առևտրի 20 տոկոսը:
Աղետալի պայթյունին զուգահեռ այսօր Իրանի և Միացյալ Նահանգների բանագնացները հերթական՝ արդեն երրորդ հանդիպումն են անցկացնում Օմանում՝ Թեհրանի արագ զարգացող միջուկային ծրագրի շուրջ տարաձայնությունները հարթելու համար։