Այսօր կայացել է Ռուսաստանի և Ադրբեջանի ԱԳ նախարարներ Սերգեյ Լավրովի և Ջեյհուն Բայրամովի հեռախոսազրույցը։ Այս մասին հաղորդում է Ադրբեջանի ԱԳՆ-ն՝ նշելով, որ զրույցի ընթացքում նախարարները քննարկել են ադրբեջանա-ռուսական հարաբերությունների ներկա վիճակն ու Իրանի և Իսրայելի հակամարտությունը։
«Նախարարները լուրջ մտահոգություն են հայտնել իրանա-իսրայելական հակամարտության հետևանքով տարածաշրջանում ստեղծված անվտանգային իրավիճակի հետ կապված՝ ընդգծելով կոնֆլիկտի դիվանագիտական լուծման կարևորությունը»,- նշված է հաղորդագրության մեջ։