Եվրամիության (ԵՄ) երեք խոշորագույն պետությունները՝ Ֆրանսիան, Գերմանիան և Իտալիան, ինչպես նաև Մեծ Բրիտանիան այսօր իրենց աջակցությունն են հայտնել Գազայի հատվածի վերակառուցման արաբական ծրագրին։ Այն հաստատվել էր այս շաբաթակսզբին Կահիրեում կայացած համաժողովի ընթացքում։
Եգիպտոսի իշխանությունների հեղինակած այս ծրագրի համաձայն՝ նախատեսվում է 53 միլիարդ դոլարի օգնություն հատկացնել՝ ավելի քան մեկ տարի տևած պատերազմի հետևանքները վերացնելու ուղղությամբ։
«Արաբական պետությունների ներկայացրած ծրագիրը Գազայի վերակառուցման իրատեսական ուղիներ է նախանշում, որոնք կյանքի կոչելու դեպքում կբարելավեն այստեղ ապրող պաղեստինցիների կյանքի աղետալի պայմանները»,-նշված է Ֆրանսիայի, Գերմանիայի, Իտալիայի և Մեծ Բրիտանիայի ԱԳ նախարարների համատեղ հայտարարության մեջ։
ԿԱՐԴԱՑԵՔ ՆԱԵՎ Արաբական երկրները հավանություն են տվել Գազայի հատվածը վերականգնելու Եգիպտոսի ծրագրին