Այսօր Հայաստանի և Ադրբեջանի սահմանին տեղի է ունեցել երկու երկրների միջև պետական սահմանի սահմանազատման և սահմանային անվտանգության հարցերով հանձնաժողովի և պետական սահմանի սահմանազատման պետական հանձնաժողովի 11-րդ հանդիպումը՝ փոխվարչապետեր Մհեր Գրիգորյանի և Շահին Մուստաֆաևի նախագահությամբ, հաղորդում է Հայաստանի արտգործնախարարությունը:
«Հանդիպման ընթացքում Կողմերը շարունակել են մտքերի փոխանակությունը սահմանազատման աշխատանքների հետագա իրականացման համար սահմանագծի հատվածների/հատվածամասերի հերթականության հարցի շուրջ և համաձայնության են եկել սկսել պետական սահմանի սահմանազատման համալիր աշխատանքները հյուսիսային հատվածից՝ Հայաստանի Հանրապետության, Ադրբեջանի Հանրապետության և Վրաստանի սահմանների հատման կետից և այնուհետև հարավային ուղղությամբ՝ հյուսիսից հարավ մինչև Հայաստանի Հանրապետության և Ադրբեջանի Հանրապետության սահմանը Իրանի Իսլամական Հանրապետության հետ», - ասված է պաշտոնական հաղորդագրությունում:
Կողմերը քննարկել են սահմանազատման աշխատանքների իրականացման կարգի վերաբերյալ համապատասխան ուղեցույցների նախագծերը, պայմանավորվել են աշխատանքային կարգով համաձայնեցնել հաջորդ հանդիպման անցկացման ամսաթիվն ու վայրը, նաև ասված է հաղորդագրությունում:
ԿԱՐԴԱՑԵՔ ՆԱԵՎ
Միրզոյան. Սահմանազատումը շարունակվելու է ոչ անկլավ-էքսկլավներիցԲաքուն փորձում է տարածաշրջանում էսկալացիայի «լեգիտիմություն» ձևավորել. ՓաշինյանԱլիևը պահանջում է զինաթափել «ֆաշիստական Հայաստանին»
Մանրամասները տե՛ս այստեղ