ԱՄՆ նախագահ Դոնալդ Թրամփը հայտարարել է, որ Վաշինգտոնն ու Կիևը առաջիկայում կստորագրեն հանքային և բնական պաշարների հարցով փաստաթուղթ։
Սպիտակ տան ղեկավարը միաժամանակ նշել է, որ Ուկրաինայում հրադադար հաստատելու հարցով բանակցությունները շարունակվում են։
«Ինչ վերաբերում է Ուկրաինային և Ռուսաստանին, ապա մեզ մոտ ամեն ինչ շատ լավ է։ Եվ մեր անելիքներից մեկը շատ շուտով Ուկրաինայի հետ հազվագյուտ հողերի մասին համաձայնագրի ստորագրումն է», - ասել է Թրամփը:
ԱՄՆ նախագահն այս շաբաթ առանձին բանակցություններ է վարել Ռուսաստանի և Ուկրաինայի առաջնորդների հետ հրադադարի հարցով պայմանավորվածության հասնելու նպատակով։ Թեև կողմերը դրական են գնահատել շփումներն, այդուհանդերձ 3-օրյա ամբողջական հրադադարի շուրջ համաձայնություն ձեռք չբերվեց, փոխարենը հակամարտող կողմերը համաձայնել են 30 օրով դադարեցնել ռուսական հարձակումները էներգետիկ ենթակառուցվածքների վրա:
Ավելի վաղ Վաշինգտոնը և Կիևը սկզբունքային համաձայնության են եկել հազվագյուտ մետաղների, կարևոր օգտակար հանածոներ և այլ բնական ռեսուրսների համատեղ շահագործման շուրջ՝ առանց անվտանգության երաշխիքների, գործարք, որն, ըստ կողմերի, կարող է նպաստել արդեն երեք տարուց ավելի Ուկրաինայի դեմ շարունակվող ռուսական պատերազմի դադարեցմանը։
ԿԱՐԴԱՑԵՔ ՆԱԵՎ Զելենսկին ընդունել է անվերապահ հրադադարի և էներգետիկ ենթակառուցվածքներին 30 օր չհարվածելու առաջարկը