«Իսրայելական զորքերը ավարտել են Գազայի հարավում գտնվող Ռաֆահի շրջափակումը», - այսօր հայտարարել է այդ երկրի Պաշտպանության նախարարությունը։
Ռաֆահի ուղղությամբ հարձակման մեկնարկի մասին Իսրայելի բանակը հայտարարել էր ապրիլի 2-ին՝ նշելով, որ գործողության գլխավոր նպատակը «Մորագի միջանցքի» գրավումն է։ Այն միմյանցից բաժանում է պաղեստինյան Ռաֆահ և Խան-Յունիս բնակավայրերը։
«Վերջին 24 ժամերին 36-րդ դիվիզիայի ստորաբաժանումները ավարտել են «Մորագի միջանցքի» բացումը՝ միմյանցից մեկուսացնելով Խան-Յունիսը և Ռաֆահը», - հայտարարել է Իսրայելի բանակը։
Ավելի վաղ,մարտի 18-ին Իսրայելի իշխանությունները կոչ էին արել այս շրջանում գտնվող խաղաղ բնակչությանը լքել տարածքը։
ԿԱՐԴԱՑԵՔ ՆԱԵՎ Իսրայելն ընդլայնում է Գազայում իրականացվող գործողությունը