Գյումրիի ավագանու արտահերթ ընտրությունները տեղի կունենան 2025 թվականի մարտի 30-ին։ Քվեարկության օրը նշանակել է Կենտրոնական ընտրական հանձնաժողովը այսօրվա նիստում: Հանձնաժողովը հաստատել է նաև ընտրությունների անցկացման և նախապատրաստման հիմնական միջոցառումների ժամանակացույցը։
Կուսակցությունները, կուսակցությունների դաշինքները գրանցման և ընտրական ցուցակի էլեկտրոնային եղանակով ձևավորման համար օգտահաշիվ ստանալու համար ԿԸՀ դիմումներ կարող են ներկայացնել փետրվարի 21-ից մարտի 5-ը, մինչև ժամը 18։00-ը, նշված է հանձնաժողովի հաղորդագրությունում:
Նախկին քաղաքապետ Սամվել Բալասանյանի դեմ քրեական գործի հարուցումից հետո Գյումրիի ավագանու իշխող «Բալասանյան» դաշինքն առանց բացատրության անցած հոկտեմբերին հրաժարվեց քաղաքի կառավարումից, ինչից հետո էլ արտահերթ ընտրության անհրաժեշտություն առաջացավ։
Նախքան արտահերթը Հայաստանի իշխող «Քաղաքացիական պայմանագիր» կուսակցությունը Գյումրիում փրայմըրիզ անցկացրեց, հաղթողին էլ վարչապետը քաղաքի ժամանակավոր ղեկավար նշանակեց։
ԿԱՐԴԱՑԵՔ ՆԱԵՎ
«Եվրաքվե»-ում բանակցում են Լևոն Բարսեղյանին Գյումրիի քաղաքապետի թեկնածու առաջադրելու շուրջՍամվել Բալասանյանի նկատմամբ հետախուզում է հայտարարվելՇռայլ խոստումներ ու փոխադարձ մեղադրանքներ. քաղաքական մթնոլորտը Գյումրիում«ՔՊ-ն իրար չի խառնվել, ողջունում է առաջադրումները, հետաքրքիր ընտրապայքար է սպասվում». ՍարուխանյանԳյումրիի քաղաքապետի թեկնածուների ցանկն ընդլայնվում է