Ուկրաինան արտգործնախարարություն է հրավիրել ԱՄՆ գործերի ժամանակավոր հավատարմատարին՝ ընդգծելու Ռուսաստանի ներխուժման դեմ պայքարում կարևոր ռազմական օգնության շարունակման անհրաժեշտությունը։ Այս քայլն արվել է այն բանից հետո, երբ Վաշինգտոնը դադարեցրել է Կիևին որոշ տեսակի զինամթերքի և հրթիռների մատակարարումը։
Նախարարության տարածած հաղորդագրության համաձայն՝ փոխարտգործնախարար Մարիանա Բեցան շնորհակալություն է հայտնել ԱՄՆ դեսպանության ղեկավարի տեղակալ Ջոն Գինկելին ԱՄՆ աջակցության համար, սակայն նաև զգուշացրել է, որ օգնության դադարեցումը, հատկապես օդային պաշտպանության համակարգերի մասով, կարող է խրախուսել Ռուսաստանին։
«Ուկրաինական կողմը շեշտել է, որ Ուկրաինայի պաշտպանունակության աջակցության ցանկացած ուշացում կամ հապաղում միայն կխրախուսի ագրեսորին՝ շարունակելու պատերազմն ու ահաբեկչությունը, ոչ թե խաղաղություն փնտրելու», - նշված է հաղորդագրության մեջ։
ԱՄՆ-ը դադարեցնում է Ուկրաինային Բայդենի ղեկավարման ժամանակ խոստացված որոշ զինատեսակների մատակարարումը. Պենտագոնի ուսումնասիրությունը ցույց է տվել, որ ամերիկյան պահեստները զգալիորեն նվազել են։ Այս որոշումը կայացվել է «Ամերիկայի շահերն առաջնահերթ համարելու» սկզբունքով, նշել է Սպիտակ տան խոսնակ Աննա Քելլին:
ԿԱՐԴԱՑԵՔ ՆԱԵՎ Միացյալ Նահանգները որոշել է որոշ տեսակի զենքեր չուղարկել Ուկրաինա