Վարչապետը տիկնոջ հետ օգոստոսի 30-ից սեպտեմբերի 3-ը աշխատանքային այցով կմեկնի Չինաստան, հայտնում են կառավարությունից:
Նիկոլ Փաշինյանը կմասնակցի Շանհայի համագործակցության կազմակերպության գագաթնաժողովի ՇՀԿ+ ձևաչափի հանդիպմանը և դրա շրջանակում այլ միջոցառումներին: Նախատեսվում են մի շարք բարձր մակարդակի հանդիպումներ, այդ թվում՝ Չինաստանի նախագահ Սի Ծինփինի և փոխնախագահ Հան Ճենի հետ։
Վարչապետը երկկողմ հանդիպումներ կունենա օտարերկրյա պետությունների գործընկերների հետ։
Բացի այդ, Փաշինյանը երեկ հայտնել էր, որ նախատեսում է զրուցել նաև ՌԴ նախագահի հետ:
Գագաթնաժողովին մասնակցելու է նաև Ադրբեջանի նախագահը:
Չինաստանից հետո Փաշինյանը սեպտեմբերի 4-ից երկօրյա աշխատանքային այցով կգտնվի Ճապոնիայում, որտեղ հանդիպելու է վարչապետ Շիգերու Իշիբային:
ԿԱՐԴԱՑԵՔ ՆԱԵՎ Պուտինը՝ Չինաստանում և ևս չորս կարևոր հարց այս տարվա ՇՀԿ գագաթնաժողովում