Հինգշաբթի օրը ժամը 18:30-ին լրանում է մայիսի 31-ին Ազատության հրապարակից բերման ենթարկված «Հայկական ժամանակ» օրաթերթի թղթակից Անի Գեւորգյանին, նրա եղբորը` Սարգիս Գեւորգյանին եւ Դավիթ Քիրամիջյանին անազատության մեջ պահելու 72 ժամը, եւ իրավապահները պարտավոր են մինչեւ այդ ժամկետի ավարտը նրանց մեղադրանք առաջադրել կամ ազատ արձակել: Բերման ենթարկվածները, ինչպես «Ազատություն» ռադիոկայանին փոխանցեցին նրանց փաստաբանները, մինչեւ այս պահը հրաժարվում են ցուցմունք տալ, քանի որ «չեն վստահում քննիչներին»:
