Սահմանապահ զորքերի ժամկետային զինծառայող է մահացել, տեղեկությունը «Ազատության» հետ զրույցում հաստատեց Քննչական կոմիտեն:
Կառույցից նշեցին, որ քրեական գործ է հարուցվել, սակայն թե որ հոդվածներով, առայժմ չեն հրապարակում:
Ավելի ուշ տարածած հաղորդագրությամբ Ազգային անվտանգության ծառայությունը տեղեկացրեց, ըստ նախնական տվյալների՝ Սյունիքի մարզի սահմանապահ զորքերի ստորաբաժանումներից մեկի ժամկետային զինծառայող Ա.Ա-ն մահացել է՝ իրեն ամրակցված ինքնաձիգից ստանալով հրազենային վնասվածք:
Իրականացվում է նախաքննություն։
«Ազատության» տեղեկություններով՝ դեպքը տեղի է ունեցել Սյունիքի մարզի Կապանի տարածաշրջանում:
